(राम आर्य)
२९ भाद्र, बिरगंज। दशैं आउन महिना दिन बाँकी छँदै बिरगंज महानगरपालिका मूर्तिकारलाई दुर्गाभवानीका मूर्ति बनाउन भ्याइनभ्याइ भएको छ ।
सामान्य काठ, सुथरी, पराल र माटोको मिश्रणले मूर्ति बनाउने गरिन्छ । मुर्तिको सजावटका सामग्री भने भारतीय बजारबाटै आयात गरिन्छ । दसैंको समयमा केही मूर्ति बनाउन अर्डर आउँछ भने केही आफैं बनाएर बिक्री गर्ने गरिएको छ भनि मूर्तिकार अमित कुमारको भनाई छ ।
दसैँको नवदुर्गामा बिरगंज महानगरपालिकामा स्थापना गरिने दुर्गा भवानीका मुर्ति स्थानीय कालीगढले बिरगंजमै निर्माण गरेर बिक्री वितरण गर्न गरेका छन् ।
त्यस्तै बिरगंजका चार पाच ठाउँमा व्यावसायिक रुपमा माटोबाट भगवानको मूर्ति बनाएर बिक्री वितरण हुने गरिन्छ ।
दसैँ नजिकिँदै जाँदा मूर्तिकारको दैनिकी व्यस्त भएको छ । अहिले माटोको मूर्ति बनाउन भ्याइनभ्याइ छ । तराईमा दसैको बेला घटस्थापनाका दिनदेखि टोल–टोलमा माटोबाट बनेका भगवानका मूर्तिमा पूजा गर्ने चलन छ ।
अमित कुमारको अनुसार दिन रात उनी माटोबाट भगवानका विभिन्न आकृति बनाउन व्यस्त छन् । सडकको किनारमा निर्मित अस्थायी टिनको टहराभित्र र बाहिर यतिबेला बन्दै गरेका भगवानको आकृति भरीभराउ छन् । सानै उमेरदेखि मूर्ति बनाउने काम गर्दै आएका राजकुमारको यो पुर्ख्यौली पेसा हो ।
अमितकुमारले भने, ‘नवरात्रको बेला ‘सिजन’ हो, पराल, बाँस, माटो, काठ किल्ला, डोरी लाग्छ, मेहनत धेरै छ ।’
उनका अनुसार २० देखि २५ हजारको एउटा मूर्ति बिक्री गर्दा रु चारदेखि पाँच हजारसम्म नाफा हुने गर्दछ ।कुमारले आफू जस्तै अन्यलाई पनि रोजगारीसमेत दिएका छन् ।
बिरगंज बजार बाहेक गाउगाउमा समेत दसैँको भोलीपल्ट दुर्गा झाँकी निकाल्ने हुँदा मूर्तिको माग बढ्दै गएको पाइएको छ भनि उनले बताएको छ ।
दसैँको नवरात्रमा दुर्गाभवानीको मूर्ति राखेर पूजाआजा गर्ने परम्परा संस्कृतिको रुपमा विकास हुँदै गएको बिरगंज महानगरपालिका-१६ का मनोज पंडित कुम्हारले यस लक्की खबरलाई बताएको छ ।
