२२ कार्तिक, वीरगञ्ज । जीतपुर सिमरा उपमहानगरपालिका वडा नम्बर १० बाराको नितनपुरमा भएको मोटरसाईकल दुर्घटनामा घाईते भएका १ जनाको मृत्यु भएको छ ।
दुर्घटनामा २ जना घाईते भएका छन् । मृत्यु हुनेमा वीरगन्ज महानगरपालिका वडा नम्बर १९ विन्दवासिनी टोल बस्ने जोखु मियाको छोरा अन्दाजी बर्ष २० का राज मियाँ रहेको जिल्ला प्रहरी कार्यालय बाराले जनाएको छ ।
मोटरसाईकल पछाडि सवार पर्साको बहुदरमाई नगरपालिका वडा नम्बर–६ भौराटार बस्ने मोलिरहमान मियाको छोरा अन्दाजी वर्ष १७ को महबुब मिया र वीरगन्ज महानगरपालिका वडा नम्बर १९ केहुनिया बस्ने सरोज प्रसाद यादवको छोरा अन्दाजी १६ बर्षका विक्की यादव घाईते भएका छन् ।
महबुबको टाउको र शरिरको विभिन्न भागमा चोट लागेको र अवस्था गम्भिर रहेको जिल्ला प्रहरी कार्यालय बाराका प्रवक्ता प्रहरी नायव उपरीक्षक प्रकाश सापकोटाले जानकारी दिए । यादवको टाउको र शरिरको विभिन्न भागमा चोट लागेको र उनको भने अवस्था मध्यम रहेको उनले बताए ।
