२३बैसाख,जनकपुर ।धनुषाको नेकपा एमालेको अधिवेशन स्थलमा आज मध्यान्ह दुइ पक्षबीच झडप भएको छ ।
एमाले धनुषाका अध्यक्ष राजकिशोर यादवले निर्वाचन समितिले धाँधली गर्यो भन्दै विहानदेखि एमाले धनुषामा विवाद चर्किएको छ । उक्त विवादले तनाव बढेपछि झडप भएको बताए ।
प्रहरीले जनाए अनुसार झडपमा २ नेतासहित ५ जना घाइते भएको धनुषा छ । घाइते हुनेमा एमालेका भोला यादव पक्षका सत्यनारायण महासेठ र महेश दास रहेको प्रहरीले जनाएको छ ।
झडपको क्रममा दुवै जनाको टाउको फुटेको छ । अन्तिम नामावली प्रकाशनको विषयलाई लिएर भएको झडपमा कुर्सी हानाहानसमेत भएको थियो । त्यसको केहीबेरमा पुनः विवाद हुँदा २ जना घाइते भएको प्रहरीले जनाइएको छ ।
गत २० वैशाखदेखि सुरु अधिवेशनमा सर्वसम्मतको प्रयास असफल भएपछि निर्वाचन प्रक्रिया अगाडि बढाइएको हो ।
एमालेका केन्द्रिय नेता रघुविर महासेठको प्रभावमा निर्वाचन समितिले गतिविधि गर्न थालेपछि विवाद चर्किएको एमाले जिल्ला अध्यक्ष राजकिशोर बताउँछन् । आफै गएर फर्जी काम गराउन थालेपछि विवाद भएको उनको भनाइ छ ।
