काठमाडौं । राष्ट्रिय स्वतन्त्र पार्टी (रास्वपा) आगामी निर्वाचनका लागि उम्मेदवार चयन प्रक्रियामा सक्रिय भएको छ। पार्टीले १५ कात्तिकभित्र देशभरका निर्वाचन क्षेत्रका लागि संभावित उम्मेदवारहरूको सूची टुंग्याउने तयारी गरेको जनाएको छ।
पार्टी स्रोतका अनुसार उम्मेदवार छनोट र तयारी प्रक्रिया सह–महामन्त्री डा. आचार्यको नेतृत्वमा अघि बढाइएको छ। उनले विभिन्न प्रदेश र जिल्ला कमिटीसँग परामर्श गर्दै योग्य, लोकप्रिय र संगठनात्मक रूपमा सक्रिय व्यक्तिहरूको नाम संकलन कार्य सुरु गरेका छन्।
रास्वपाका प्रवक्ताले जनाएका छन्, “पार्टीले स्पष्ट मापदण्डका आधारमा उम्मेदवार छनोट गर्ने निर्णय गरेको छ। जनताको विश्वास जित्न सक्ने, पारदर्शी र जिम्मेवार नेतृत्वलाई प्राथमिकता दिइनेछ।”
स्रोतका अनुसार पार्टीका शीर्ष नेताहरूले हाल देशभरका कार्यकर्तासँग संवाद अभियान सुरु गरेका छन्। यही अभियानको नतिजा र सिफारिसका आधारमा अन्तिम उम्मेदवारको नाम सार्वजनिक गरिने बताइएको छ।
रास्वपाले यसअघि पनि संगठन सुदृढीकरणका लागि प्रदेश र जिल्ला तहमा विशेष टोली खटाइसकेको छ। पार्टीले आउँदो निर्वाचनलाई “नयाँ पुस्ताको राजनीतिक परिक्षा”का रूपमा लिएको बताइन्छ।
