सिमरा ।बाराको जितपुरसिमरा उपमहानगरपालिका–२ सिमराचोकमा युवा संघ र जेन–जी समूहबीच भएको झडपपछि बारा क्षेत्रको सुरक्षा वातावरण थप संवेदनशील बनेको छ। उक्त घटनामा राजनीतिक तथा समूहगत असुरक्षा बढेको जनाउँदै बिहिबार बिहान ११ बजेबाट वीरगन्ज–पथलैया औद्योगिक करिडोर सडकमा जेन–जी उत्रिएका छन्।
प्रदर्शनकारीहरूले सिमराचोकमा देखिएको भिडन्तमा संलग्न व्यक्तिमाथि तत्काल कारबाहीको माग गरेका छन्। उनीहरूको भनाइमा झडपमा घाइते हुने अवस्था सिर्जना गर्नेहरूलाई कारबाही नगरेसम्म प्रदशन जारी रहने बताएका छन् ।
- जेन–जी र युवा संघबीचको झडपपछि किटानी जाहेरी दर्ता भई दुई वडाध्यक्ष पक्राउ गरी सकेको छ।
जिल्ला प्रहरी कार्यालय बाराका प्रमुख प्रहरी उपरीक्षक सन्तोष तामाङका अनुसार पक्राउ परेकामध्ये जितपुरसिमरा उपमहानगरपालिका–२ का ४० वर्षीय धन बहादुर श्रेष्ठ र जितपुरसिमरा–६ का ३४ वर्षीय कैमुदिन अंसारी रहेका छन्।
अहिलेसम्म प्रदर्शन शान्तिपूर्ण रहे पनि माग सम्बोधन नभए दबाब बढाउँदै जाने चेतावनी प्रदर्शनकारीहरूले दिएका छन्।
