१२ साउन,वीरगञ्ज । वीरगञ्जका विभिन्न स्थानमा बिआईटी कलेजसहित वीरगञ्जका तीन स्थानमा रक्तदान कार्यकमभएको छ | बिआईटी कलेजमा सम्पन्न कार्यक्रममा ५४ जनाले रक्तदान गरेका समेतले १२९ पोका रगत संकलन भएको छ ।
नेपाल जनता पार्टी पर्साको आयोजनामा पनि रक्तदान गरिएको छ । पार्टीका अध्यक्ष अनिल कुर्मीको अध्यक्षतामा भएको कार्यक्रममा पनि ५४ जनाले रक्तदान गरेका छन् । कार्यक्रममा रागिनी साह, श्रीकान्ती गिरी, रोशन महतो, सन्नी गुप्ता, रागिनी साह लगायतले रक्तदान गरेका छन् ।
वीरगञ्जको माइस्थानमा सत्य साइ केन्द्र प्रदेश २ समितिले आयोजना गरेको कार्यक्रममा ४ जना महिलासहित २१ जनाले रगत दान गरेका छन् | रक्तसञ्चार केन्द्र वीरगञ्जका प्रमुख सौरभराज पाण्डेले बताए । उनकाअनुसार रक्तसञ्चार केन्द्र वीरगञ्जमा रगतको अभाब बढीरहेको छ । गर्मीका कारण बिरामीको चाप बढ्दा केन्द्रमा रगतको चरम अभाव भएको पाण्डेले जनाए । माग बढेको र रगतको अभाव भएको हुँदा रक्तदान कार्यक्रम गर्न तथा केन्द्रमै पुगेर रक्तदान गर्न पनि उनले आग्रह गरे ।
