१९साउन,फिल्म रामायणको छायांकन नितेश तिवारीले सुरु गरेको छ । रणवीर कपुर यस फिल्ममा रामको भूमिकामा छ । यो फिल्मले निकै चर्चा पाइरहेको संगै भव्य बनाउन मेकरहरूले कुनै कसर छाडेका छैनन् । जानकारी अनुसार पौराणिक दुनियाँ देखाउन राम्रो भन्दा राम्रो भिजुअल इफेक्टको प्रयोग गरिनेछ ।
रामायणको पौराणिक संसारलाई सकेसम्म भव्य देखाउन मुम्बईको फिल्म सिटीमा सेटहरू निर्माण भइरहेको छ । मिड डेको रिपोर्टअनुसार फिल्म सिटीमा रामायणका लागि १२ वटा भव्य ठुला सेट निर्माण भइरहेका छन् । राम र सीताका सहर अयोध्या र मिथिलालाई रिक्रियट गर्न भव्य सेटहरू बनाउने काम भइरहेका छन् । यी विशाल सेट अगस्टको मध्यसम्ममा बनेर तयार हुने बताइएको छ ।
सेटको निर्माण कार्य सम्पन्न भएपछि फिल्मकी मुख्य अभिनेत्री साई पल्लवी पनि रणवीर कपूरसँगै सीताको भूमिकामा छायांकनमा सहभागी हुने बताइएको छ । टिभीका रामायणका राम अरुण गोविल यस फिल्ममा दशरथको भूमिकामा देखिने बताइएको छ । केजीएफ स्टार यश रावणको भूमिकामा देखिने भएका छन् । दुई भागमा बन्ने यो फिल्ममा पहिलो भाग रामको युवावस्था देखाइनेछ । मेकरहरूले फिल्मको दोस्रो भागको केही मुख्य हिस्साहरू अहिले नै सुट गर्ने योजना बनाएका छन् भनी जानकारी भएको छ।
