२५ साउन,काठमाडौं । अमेरिकाकी प्रसिद्ध गायिका लेडी गागा निजी जीवनको पनि चर्चामा हुन्छ। हलिउड अभिनेत्री समेत रहेकी लेडी गागाको शीर्ष भूमिका रहेको फिल्म ‘जोकर’ यसैवर्ष रिलिज तयारीमा छ ।
पछिल्लो साता डेटको खबरले यी गायिका गसिपको केन्द्रमा छिन् र नयाँ प्रेमीसँग डेट गरिरहेको खबर छ । अहिले उनको रोमान्ससँग सम्बन्धित खबर सार्वजनिक भइरहेका छन् । जसले फ्यानलाई खुसी दिइरहेको छ ।
लेडी गागाले अमेरिकी सञ्चारमाध्यमका अनुसार चाँडै सेतो गाउन लगाएर चर्चमा आफ्नो बुबाको अगाडि आफ्नो प्रेमी माइकल पोलान्स्कीलाई चुम्बन गरि उसलाई आफ्नो पार्टनर बनाउने छिन् ।
उनको एउटा भाइरल तस्वीरले यसको पुष्टि गरिरहेको छ, जसमा उनले इन्गेजमेन्टको औंठी लगाएकी छिन् । गागाले उद्यमी माइकल पोलान्स्कीलाई डेट गरिरहेकी छिन् ।
उनीहरु एक वर्षदेखि सम्बन्धमा रहेको र अहिले यी दुईले इन्गेजमेन्ट गरेको खबर छ । यसअघि पनि लेडी गागाले दुईपटक इन्गेजमेन्ट गरिसकेका छिन् ।
गागाको तस्वीरमा उनी टाउकोदेखि पाउसम्म कालो पहिरनमा देखिएकी छिन् । आँखामा कालो चश्मा र खुट्टामा कालो हिल । कोटमा हात हालेकी छन् । औंलामा लगाइएको ठूलो हीराको औंठीले सबैको ध्यान तानेको छ । यद्यपि, लेडी गागा वा माइकल पोलान्स्कीबाट अहिलेसम्म कुनै आधिकारिक घोषणा गरिएको छैन ।
सार्वजनिक हुनेबित्तिकै यो तस्वीर गागाका फ्यान खुसीले उफ्रिए । एकजनाले लेखे, ‘गायिकाले यसअघि टेलर किन्नीसँग इन्गेजमेन्ट गरेकी थिइन् । टेलरबाहेक उनको क्रिश्चियन क्यारिनोसँग पनि इन्गेजमेन्ट भयो तर यी दुवैसँग उनको सम्बन्ध टिकेन ।’
आठ वर्षको उमेर ३८ वर्षीया लेडी गागा र ४६ वर्षीय माइकल पोलान्स्की बीच अन्तर छ ।
