२३चैत,काठमाडौं |ललितपुरमा प्रहरीले भारतीय एम्बुलेन्सबाट ठूलो परिमाणमा अवैध लागूऔषध बरामद गरेको छ।
गएको राति १.५0 मि.मा वीरगन्जबाट काठमाडौंतर्फ आइरहेको भारतीय एम्बुलेन्सबाट ललितपुरको बागमती गाउँपालिका–३ छपेलीमा रहेको चेकपोष्टमा चेकजाँच गर्ने क्रममा ठूलो परिमाणमा अवैध लागूऔषध बरामद भएको जिल्ला प्रहरी परिसर ललितपुरले जनाएको छ।
जिल्ला प्रहरी परिसर ललितपुरका सूचना अधिकारी एवं प्रहरी उपरीक्षक नरहरि रेग्मीले बताए अनुसार मकवानपुरबाट कान्तिलोकपथ हुँदै काठमाडौं आउँदै गरेको बिआर ०५ प ०४२१ नम्बरको एम्बुलेन्समा लागुऔषध बरामद गरिएको ह|
एम्बुलेन्समा ९४ हजार ८० वटा ट्याब्लेट ट्रामाडोल बरामद र लागूऔषध कारोबारमा संलग्न ४ जनालाई पक्राउ गरिएको उनले जानकारी गराए।
पक्राउ पर्ने एम्बुलेन्समा भारतको मोतिहारीं जिल्लाको नागरिक १ बालक र १ बालिका समेत रहेका थिए प्रहरीले जनाएको छ।
