अभिलाष गुप्ता
बीरगंज।सामुदायिक प्रहरी साझेदारी कार्यक्रम अन्तर्गत ग्रिनसिटी सामुदायिक प्रहरी सेवा केन्द्रद्वारा आज मकालु होटल नजिक अवस्थित शिवभगवानको मन्दिर तथा आलखिया मठ परिसरमा बृहत सरसफाई कार्यक्रम सम्पन्न भएको छ।
सो कार्यक्रममा मन्दिरको भित्री र बाहिरी परिसरमा सफाइ कार्य भएको छ। कार्यक्रममा वडा प्रहरी कार्यालय बिर्ताका वरिष्ठ सई सुरेन्द्र बहादुर टेरको नेतृत्वमा गएका प्रहरी जवानहरु,स्थानीय बासिन्दा, व्यवसायी र ग्रिनसिटी सामुदायिक प्रहरी सेवा केन्द्रका आजीवन सदस्य एवं पदाधिकारीहरु एवं नेपाल ईनोभेटिभ सोसाइटी बिरगंजका अध्यक्ष कमल चौगाई,महानगरपालिकाको सरसफाईका प्रमुख सर्फुदिन मिया लगाएत कर्मचारीको उल्लेखनीय उपस्थिति रहेको थियो।
कार्यक्रमको अध्यक्षता ग्रिनसिटी सामुदायिक प्रहरी सेवा केन्द्र आदर्शनगरका अध्यक्ष जय प्रकाश खेतानले गर्नुभएको थियो।
सामुदायिक प्रहरीका प्रतिनिधिहरूले पनि सहभागी जनाउँदै “सफासुग्घर समाज हाम्रो पहिचान” भन्ने नारासहित स्थानीयलाई वातावरणीय सरसफाईमा सक्रिय सहभागिताको आग्रह गरेका थिए।
