काठमाडौं । अभिनेत्री तथा फिल्म निर्मात्री पूजा शर्माले शनिबार आफ्ना प्रेमी युद्ध बानियाँसँग विवाह बन्धनमा बाँधिँदै छिन्। विवाह समारोह भक्तपुरस्थित एक रिसोर्टमा आयोजना गरिएको छ।
विवाहअघि शुक्रबार पूजाले झम्सिखेलमा रहेको आफ्नै रेस्टुरेन्टमा मेहेन्दी समारोह सम्पन्न गरिन्। सो कार्यक्रममा निकट परिवारजन तथा कलाकारहरूको सहभागिता थियो। मेहेन्दीमा उनले युद्ध बानियाँको तस्वीर पनि समावेश गरेकी थिइन्, जसले कार्यक्रमलाई थप आकर्षक बनाएको छ। युद्ध स्वयं पनि मेहेन्दी समारोहमा उपस्थित रहे। प्राप्त तस्वीरहरूमा दुवैलाई हर्षित मुद्रामा देख्न सकिन्छ।
शनिबार हुने मुख्य विवाह समारोहका लागि दुवैले फिल्म क्षेत्रका सहकर्मी तथा सञ्चारकर्मीलाई पनि निमन्त्रणा दिएका छन्।
