१९ असोज, काठमाडौं । एसिया रग्बी इमिरेट्स–२०२४ ‘च्यालेन्ज थर्ड’ मा नेपाल पराजित भएको छ।
त्रिपुरेश्वरस्थित दशरथ रंगशालामा शनिबार भएको खेलमा अफगानिस्तानसँग नेपाल २२–५ को स्कोरमा पराजित भएको हो।
एक समय नेपाल र अफगानिस्तानको स्कोर ५–५ थियो। तर नेपालले सेकेन्ड हाफमा बलियो प्रदर्शन गर्न सकेन।
तुलनात्मक रूपमा कमजोर प्रदर्शन गर्दै अफगानिस्तानलाई लगातार अंक सुम्पियो। नेपाल त्यही ५ स्कोरमा रोकिँदा अफगानिस्तानले भने थप १७ स्कोर जोड्यो। योसँगै नेपाल २२–५ को स्कोरमा पराजित भोग्नु परयो।
यसअघि नेपाल ‘च्यालेन्ज’मा कतारसँग ३३–० ले पराजित भएको थियो।
