२१पुस,वीरगञ्ज । सरोज चौधरी निजी तथा आवासीय विद्यालय अर्गनाईजेशन (प्याब्सन) पर्साको अध्यक्षमा निर्वाचित भएका छन् ।
साउथ जोन माध्यमिक विद्यालयका प्रधानाध्यापक चौधरी आइतबार सम्पन्न प्याब्सन पर्साको १६ औँ अधिवेशनबाटअध्यक्षमा निर्वाचित भएका हुन् ।
जम्मा खसेको ४८ मतमध्ये चौधरीले २६ मत प्राप्त गरेका छन् । उनका निकटतम प्रतिद्वन्द्वी जीवन ज्योति स्कुलका प्रधानाध्यापक शिवप्रसाद गुप्ताले २२ मत प्राप्त गरे ।४ मतको अन्तरले चौधरीले प्याब्सन पर्साको नेतृत्व गर्ने अवसर पाएका छन् ।
चौधरी यसअघि वरिष्ठ उपाध्यक्ष थिए भने गुप्ता उपाध्यक्ष थिए ।
प्रमुख निर्वाचन अधिकृत एवम् प्याब्सनका केन्द्रीय सदस्य छेडूप लामाको नेतृत्वमा निर्वाचन सम्पन्न भएको थियो ।
