२० फागुन,वीरगञ्ज ।आज वीरगञ्जको आर्दशनगर रंगशलामा भएको खेलमा एपिआई चर्च ब्वाइज युनाइटेड क्बलबीलाई २–१ गोल अन्तरले पराजित गर्दै सेमीफाईनलमा प्रवेश गरेको हो । मच्छिन्द्र फुटबल क्लब वीरगञ्जमा जारी दोश्रो वीरगञ्ज गोल्डकप फुटबल प्रतियोगीताको सेमीफाईनलमा प्रवेश गरेको छ ।
निर्धारित समाय दुवै टिमले बराबर गोल गरेपछि पाँच मिनेटको अतिरिक्त समयको अन्तिम समयमा मच्छिन्द्रका क्याप्टेन रेजिन सुब्बाले थप एक गोल गरेर जित दिलाए । मच्छिन्द्रको यो जितसँगै वीरगन्ज गोल्डकपको सेमीफाईनल समिकरण पूरा भएको छ ।
भोलीको पहिलो सेमीफाईनल खेल वीरगन्ज युनाईटेड र नेपाल पुलिस क्बलबीच हुने आयोजकले जनाएको छ । मधेस प्रदेश कै सर्वाधिक धनराशी भएको दोस्रो वीरगन्ज गोल्डकप प्रतियोगितामा विजेता टोलीलाई नगद ११ लाख ११ हजार एक सय एघार रुपैयाँ, ट्रफी, मेडल र प्रमाणपत्र र उपविजेता हुने टोलीलाई पाँच लाख ५५ हजार पाँच सय ५५ रुपैयाँ नगद, ट्रफी, मेडल र प्रमाणपत्रले पुरस्कृत गरिनेछ ।
