८ वैशाख,काठमाडौं ।शिक्षामन्त्री विद्या भट्टराईले सोमबार शिक्षक आन्दोलन उत्कर्षमा पुगेकै बेला प्रधानमन्त्री केपी शर्मा ओलीलाई भेटेर राजीनामा बुझाएकी छन् ।
मन्त्री भट्टराईको राजीनामा आज बस्ने मन्त्रिपरिषद् बैठकबाट स्वीकृत हुने सम्भावना बालुवाटार निकट स्रोतका जनाएको छ ।
शिक्षक महासंघसँग पटक–पटक संवाद भए पनि समाधान ननिस्कँदा मन्त्री भट्टराई चर्को आलोचनाको घेरामा परेकी थिइन् । आन्दोलन नियन्त्रणमा लिन नसकेको दबाबका बीच उनको अकस्मात राजीनामा आएको हो ।
