सर्लाही । राष्ट्रिय स्वतन्त्र पार्टी (रास्वपा) ले आज सर्लाहीको कविलासीमा पार्टी प्रवेश कार्यक्रम आयोजना गरेको छ। कविलासी नगरपालिका–८ अगर्बामा सम्पन्न कार्यक्रममा रास्वपाका केन्द्रीय सदस्य हरि ढकाल प्रमुख अतिथिका रूपमा सहभागी थिए।
रास्वपा सर्लाहीका सभापति सरोज बानियाँका अनुसार कार्यक्रममा विभिन्न राजनीतिक दल परित्याग गरेका दुई सयभन्दा बढी नेता तथा कार्यकर्ताहरू रास्वपामा प्रवेश गरेका छन्।
कार्यक्रममा पार्टीको संगठन विस्तार, समसामयिक राजनीतिक अवस्था तथा आगामी रणनीतिबारे समेत छलफल गरिएको जनाइएको छ।
