२९ चैत, वीरगञ्ज । वीरगञ्ज महानगरपालिका–१० स्थित एक डेरामा बस्दै आएकी २० वर्षीया युवती मृत अवस्थामा फेला परेकी छन्। रौतहटको दिपही स्थायी घर भएकी ती युवती शनिबार बिहान करिब ९ बजे आफ्नै कोठाभित्र मृत अवस्थामा भेटिएको प्रहरीले जनाएको छ।
प्रहरीका अनुसार युवती मोडलिङ तथा सामाजिक सञ्जाल, विशेषगरी टिकटकमा सक्रिय थिइन्। प्रारम्भिक अनुसन्धानबाट पछिल्लो समय उनको वैवाहिक जीवनमा तनाव देखिएको र व्यक्तिगत सम्बन्धका कारण मानसिक दबाबमा रहेको अनुमान गरिएको छ।
घटनाअघि उनले सामाजिक सञ्जालमार्फत भावनात्मक भिडियो पोस्ट गरेको समेत खुलेको छ। करिब सात वर्षअघि प्रेम विवाह गरेकी ती युवती र उनका श्रीमानबीच पछिल्लो समय सम्बन्धमा समस्या देखिँदै आएको बताइएको छ।
घटनाबारे प्रहरीले थप अनुसन्धान अघि बढाएको जनाएको छ।
