काठमान्डौ भारतको बिहार राज्यमा लामो समयसम्म नेतृत्व गरेका Nitish Kumarले अन्ततः मुख्यमन्त्री पदबाट राजीनामा दिएका छन्। करिब ११ वर्ष ५१ दिनको निरन्तर कार्यकालपछि उनले राज्यपालसमक्ष आफ्नो पद त्यागेका हुन्।
सामाजिक सञ्जालमार्फत राजीनामाको जानकारी दिँदै उनले कार्यकालभर सहयोग गर्ने सबैप्रति आभार व्यक्त गरेका छन्। साथै, आगामी सरकारलाई आवश्यक सहयोग र मार्गनिर्देशन गर्ने प्रतिबद्धता पनि जनाएका छन्।
आफ्नो कार्यकालको समीक्षा गर्दै उनले सन् २००५ देखि बिहारमा कानुनी शासन सुदृढ पार्दै शिक्षा, स्वास्थ्य, विद्युत्, कृषि लगायतका क्षेत्रमा उल्लेखनीय सुधार गरेको दाबी गरेका छन्। महिला र युवाको सशक्तीकरणमा पनि महत्वपूर्ण काम भएको उनको भनाइ छ।
यसैबीच, Nitish Kumar हालै बिहारबाट राज्यसभामा निर्वाचित भई सांसदको शपथ लिइसकेका छन्। उनी पछिल्लो समय Bharatiya Janata Party (बिजेपी) को समर्थनमा मुख्यमन्त्री पदमा थिए।
उनको राजीनामापछि अब बिहारमा पहिलोपटक बिजेपीको नेतृत्वमा नयाँ सरकार गठनको तयारी भइरहेको छ। नयाँ मुख्यमन्त्रीका रूपमा Samrat Choudharyको नाम अगाडि आएको भारतीय सञ्चारमाध्यमहरूले जनाएका छन्।
Nitish Kumar बिहारको राजनीतिमा लामो समयदेखि प्रभावशाली व्यक्तित्वका रूपमा रहेका छन्। उनी पहिलोपटक सन् २००० मा छोटो अवधिका लागि मुख्यमन्त्री बनेका थिए भने त्यसपछि विभिन्न कार्यकालमा नेतृत्व गर्दै अन्ततः आज पदबाट बिदा भएका छन्।
