बिरगंज ।हरेक वर्ष अगस्ट १२ तारिख अन्तर्राष्ट्रिय युवा दिवस मनाइन्छ। सन् २०२६ को दिवसको नारा “Different Context, Common Aspirations” अर्थात् “फरक परिवेश, साझा आकांक्षाहरू” रहेको छ।
नेपालजस्तो विविधताले भरिएको समाजमा भाषा, संस्कृति, भूगोल र जीवनशैली फरक भए पनि सम्मानजनक जीवन, शिक्षा, स्वास्थ्य, समान अवसर, शान्ति र समृद्धिको चाहना सबैको साझा आकांक्षा हो।
समाजसेवाका विभिन्न क्षेत्रमा काम गर्ने क्रममा चुनौती फरक भए पनि मानिसहरूको सपना र आशा समान रहेको अनुभव भएको छ। युवामा लगानी, स्वयंसेवा, शिक्षा र नेतृत्व विकासमार्फत सकारात्मक परिवर्तन सम्भव छ।
विविधतालाई कमजोरी नभई शक्तिका रूपमा स्वीकार गर्दै सरकार, नागरिक समाज, निजी क्षेत्र र समुदायबीच सहकार्य आवश्यक छ। करुणा, मानवता र साझा जिम्मेवारीले मात्र समावेशी तथा दिगो समाज निर्माण गर्न सकिन्छ।
अन्तर्राष्ट्रिय युवा दिवसले हामीलाई एउटै सन्देश दिन्छ—परिवेश फरक हुन सक्छ, तर राम्रो भविष्य निर्माण गर्ने हाम्रो साझा आकांक्षा एउटै हो।
