काठमाडौं । राष्ट्रिय स्वतन्त्र पार्टी (रास्वपा) ले पार्टीका पदाधिकारी, सचिवालय सदस्य, केन्द्रीय सदस्य तथा विभिन्न विभागका प्रमुखको जिम्मेवारी बाँडफाँट गरेको छ।
रास्वपाले पुरुषोत्तम यादवलाई सहमहामन्त्री, डा. मनोहर प्रधानलाई कोषाध्यक्ष, बसुमाया तामाङलाई सहकोषाध्यक्ष र जगदीश खरेललाई प्रवक्ताको जिम्मेवारी दिएको छ। त्यस्तै डा. नमिता यादव र सुरेन्द्र चौधरी सहप्रवक्ता मनोनीत भएका छन्।
पार्टीले भुपदेव शाह, सुधन गुरुङ, सुनिल लम्साल, प्रतिभा रावल, पुरुषोत्तम यादव, बसुमाया तामाङ, सुरेन्द्र चौधरी, भक्तबहादुर राई र डा. मनोहर प्रधानलाई केन्द्रीय सदस्यमा मनोनीत गरेको छ।
त्यस्तै शिशिर खनाल, गणेश पराजुली, कवीन्द्र बुर्लाकोटी, विराजभक्त श्रेष्ठ, लिमा अधिकारी, दीपकराज बोहरा, समीक्षा बाँस्कोटा, शिव नेपाली, इन्दिरा रानामगर र मनिष झालाई सचिवालय सदस्यको जिम्मेवारी दिइएको छ।
विभागीय जिम्मेवारीतर्फ संगठन विभाग प्रमुखमा प्रमोद न्यौपाने, सार्वजनिक सेवा तथा जनगुनासो विभाग प्रमुखमा विजय जैरू, जनस्वास्थ्य विभाग प्रमुखमा डा. तोसिमा कार्की, पूर्वाधार विभाग प्रमुखमा निशा डाँगी, अन्तर्राष्ट्रिय तथा कूटनीति विभाग प्रमुखमा शिशिर खनाल र अर्थ विभाग प्रमुखमा लिमा अधिकारीलाई जिम्मेवारी दिइएको छ।
नयाँ जिम्मेवारीसँगै रास्वपाले संगठन विस्तार, जनगुनासो सम्बोधन र विभिन्न क्षेत्रका कामलाई थप प्रभावकारी बनाउने तयारी गरेको छ।
