१भदौ,काठमाडौं । शनिबार आज राती हुने फिनालेमा आठजना फाइनलिस्टबीच प्रतिस्पर्धा हुँदैछ । ‘भ्वाइस किड्स’को सिजन ३ ले विजेता प्राप्त गर्दैछ ।
४जना कोचका 2/2जना उपाधिका लागि भिड्दैछन् । कोच प्रमोद खरेलको टिमबाट अनुया तामाङ र लाक्पा शेर्पा, कोच मिलन नेवारको टिमबाट समीक्षा धिताल र रिञ्जिन डोल्मा लामा फाइनलिस्ट छन् ।
कोच छेवाङ लामाको टिमबाट द्वितिका प्रधान र छेसाङ तामाङ फाइनलिस्ट छन् भने कोच मेलिना राईको टिमबाट सिमला धिताल र आयुष लामा फाइनलमा भिड्नेछन् ।
बेलुका ७ बजेसम्म भोटिङ लाइन खुला रहेको र दर्शकले आफूलाई मनपर्ने प्रतिस्पर्धीलाई भोट गर्न सक्ने निर्देशक लक्ष्मण पौडेलले जानकारी दिए । ६ देखि १४ वर्ष उमेरसम्मका बालबालिकाले शोमा भाग लिएका छन् ।
फिनाले समारोहमा ‘भ्वाइस अफ नेपाल सिजन ६’को घोषणा हुने अपेक्षा गरिएको छ । ‘भ्वाइस किड्स’को ग्राण्ड फिनाले बेलुका ८ बजेदेखि हिमालय टिभीमा प्रसारण हुनेछ ।
