राम आर्य
२ बैशाख,बिरगंज।हनुमान जन्मोत्सवको झाँकीमाथि भएको ढुंगामुढाघटनाको समाचार संकलनका लागि पुगेका पत्रकारमाथि ढुंगा र लठी प्रहार गरी पत्रकारिता क्षेत्रमाथि खुला हमला गरेको छ ।
स्थानीय प्रशासनले सोमबार केही हिन्दुवादी युवाहरुलाई नियन्त्रणमा लिएपछि जिल्ला प्रहरी कार्यालय, पर्सामा तनाव सृजना भएको थियो । त्यही विषयमा रिपोर्टिङका लागि पुगेका पत्रकारहरूमाथि मंगलबार अकल्पनीय दमन भयो । चन्द्रसूर्य वाणी दैनिकका सम्पादक धिरेन्द्र तिवारी, एभिन्युज टेलिभिजनका पत्रकार अर्जुन गुप्ता लगायत केही सर्वसाधारण घाइते भएका छन् ।
समाचार संकलनमा खटिने पत्रकारहरूमाथि भएको यो घटनाले प्रेस स्वतन्त्रताको अधिकारमाथि खुला प्रहार भएको छ। यस घटनाले प्रहरीको व्यवहार प्रेसविरोधी चरित्र उजागर गरेको देखिन्छ ।“प्रेस स्वतन्त्रता कुण्ठित पार्ने जुनसुकै गतिविधि र दमनप्रति हाम्रो गम्भीर आपत्ति छ।” घटनास्थलमा रहेका पत्रकारहरूले आक्रोश पोखेका छन् ।
हनुमान जन्मोत्सवको झाँकीमा दुई दिन अघि भएको ढुंगामुढापछि वीरगंज बजार तनावग्रस्त बनेको थियो। स्थिति नियन्त्रणमा लिन प्रशासनले कर्फ्यू समेत लगाएको थियो। तर शान्ति सुरक्षाको नाममा निर्दोष युवाहरुको गिरफ्तारी र पत्रकारहरूमाथिको हमालाले प्रशासनको चरित्रप्रति नै गम्भीर प्रश्न उठाएको छ ।यो घटनाको निष्पक्ष छानबिन गरी दोषीलाई कारबाही हुनुपर्ने आवाज सामाजिक सञ्जालदेखि मानवअधिकारकर्मी र पत्रकार संगठनहरूको चासो बनेको छ ।
