काठमाडौं ।राष्ट्रिय स्वतन्त्र पार्टी (रास्वपा)को वैकल्पिक शक्ति र जेनजी जोड्ने कसरत गरेको छ | रास्वपाले नयाँ र वैकल्पिक शक्तिहरूसँग सहकार्य गर्ने उद्देश्यसहित फरकफरक दल र जेनजीहरूलाई एउटै मञ्चमा उभ्याएको छ ।
गत चुनावमा नयाँ दल बनेर भाग लिएका, त्यसयता गठन भएका, निर्वाचन आयोगमा दल दर्ताको निवेदन पेश गरेका, जेनजी लगायतलाई भेला गरेर शुक्रबार काठमाडौंमा रास्वपाले विमर्श गरेको हो ।विभिन्न दलमा आवद्ध र स्वतन्त्र व्यक्तिहरू सहभागी संवादमा नयाँ शक्तिहरू एकत्रित हुनुपर्ने विचार व्यक्त भए ।
वृहत् राजनीतिक संवादअन्तर्गत ‘जेनजी आन्दोलनका उपलब्धि अगाडिको बाटो र निकास’ विषयक अन्तर्क्रियामा कार्यक्रमका संयोजक डा. वाग्लेले जेनजी आन्दोलनको उपलब्धिलाई संस्थागत गरेर अघि बढ्नुपर्ने विचार राखे । ‘पछिल्लो आन्दोलनलाई संस्थागत गर्दै अघि बढ्नुपर्ने छ । पहिले प्राप्त भएका उपलब्धिलाई पनि जोगाउनु छ । कहिलेकाहीँ आँधिबेहरीमा पुराना उपलब्धिलाई बढार्ने काम हुनसक्छ वाग्लेले भने |
नेपाल समाजवादी पार्टीको मूल नेतृत्व छोडेका नेता डा. बाबुराम भट्टराईले वैकल्पिक सबै शक्तिहरू एकत्रित हुनुपर्ने विचार राखे । रास्वपालाई एक्लै नहिँड्न उनको सुझाव थियो ।
‘अलगअलग दल भएर चुनावमा जान पनि सकिन्छ । रास्वपालाई एक्लै चुनावमा जान सकिन्छ भन्ने पनि छ, ‘कांग्रेस र एमालेको जरा तलसम्म छ । त्यसैले नयाँ र वैकल्पिक शक्ति नमिल्ने हो भने उनीहरूलाई परास्त गर्न गाह्रो पर्न सक्छ ।’ भट्टराईले रास्वपालाई सुझाव दिए |
