काठमाडौँ। सरकारले राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध विभिन्न जिल्लामा दर्ता भएका संगठित अपराध र सम्पत्ति शुद्धीकरणसम्बन्धी मुद्दा फिर्ता लिने निर्णय गरेको छ।
महान्यायाधिवक्ता कार्यालयले लामिछानेविरुद्ध हाल चलिरहेका ती मुद्दा सम्बन्धित जिल्ला सरकारी वकिल कार्यालयमार्फत फिर्ता लिन निर्देशन दिएको जनाएको छ।
लामिछानेविरुद्ध काठमाडौं, रूपन्देही र पर्सा जिल्लामा सहकारी ठगीसँगै संगठित अपराध र सम्पत्ति शुद्धीकरणका मुद्दा दर्ता भएका थिए। यी तीन जिल्लाबाहेक अन्य जिल्लामा भने सहकारी ठगीसम्बन्धी मुद्दा मात्रै दर्ता भई कारबाही प्रक्रिया अघि बढिरहेको थियो।
