१६असोज, काठमाडौं| बाढी-पहिरोमा परी मृत्यु हुनेको संख्या २२८ र बेपता २५ जना पुगेको छ। नेपाल प्रहरीका अनुसार बाढी, पहिरो तथा डुबानमा परी २२८ जनाको मृत्यु भएको छ भने २५ जना बेपत्ता छन्। १९९ जना घाइतेको विभिन्न अस्पतालमा उपचार भइरहेको प्रहरीले जनाएको छ।
बाढी -पहिरोमा फसेका १४ हजार ८०२ जनाको उद्दार भएको छ। अविरल वर्षाका कारण विभिन्न स्थानहरूमा बाढी तथा पहिरोले सडक अवरुद्ध रहेको र कतिपय ठाउँमा सडक खुले पनि ट्राफिक जाम भइ नै रहेको छ।
लामो र दुरी यात्रामा निस्कनुअघि नजिक वा सम्बन्धित जिल्ला प्रहरी कार्यालयमा सम्पर्क गर्न प्रहरीले सबैमा अनुरोध गरेको छ।
