१७मन्सिर्, हेटौंडा | हेटौंडा स्थित वडा नम्बर १२ मा भएको स्थानीय तह उपनिर्वाचन–२०८१ अन्तर्गतको निर्वाचनमा नेपाली काँग्रेसका अर्जुन तिवारी विजयी भएका छन् ।
तिवारी २०६३ मत प्राप्त गर्दै विजयी भएका हुन् । नेकपा माओवादी केन्द्रका रविकुमार प्रधानलाई ५०३ मतको फराकिलो मतान्तरले पराजित गर्दै उनी विजयी भएका हुन्। प्रधानले १५६० मत प्राप्त गरेका छन् ।
चुनावी प्रतिस्पर्धामा तेस्रो भएका नेकपा एमालेका राजेश नगरकोटीले १३९८ मात्रै मत ल्याए । यस्तै १२ राष्ट्रिय प्रजातन्त्र पार्टी (राप्रपा)का प्रेमबहादुर भ्लोनले १७८ मत, राष्ट्रिय स्वतन्त्र पार्टी (रास्वपा) का आशावीर बलले ८३ मत ल्याएका छन् । नेकपा (एकीकृत समाजवादी)का बलराम बलले ७३ मत पाएका छन् । ७८ मत बदर भएको छ।
वडाध्यक्षमा निर्वचित तिवारी २०७४ र २०७९ को स्थानीय तह निर्वाचनमा पनि १२ नम्बर वडाको वडा अध्यक्ष पदका उम्मेदवार थिए । यसअघि उक्त वडाबाट नेकपा माओवादीबाट निर्वाचित वडाध्यक्ष ललित घलान जिल्ला समन्वय समितिका प्रमुखमा गएसँगै रिक्त रहेको स्थानमा निर्वाचन भएको हो ।
